टेम्के सम्बाददाता । नवनियुक्त सामाजिक विकासमन्त्री राजन राईले यथास्थितिबादीहरको बिरुद्ध यो सरकार गठन भएको ब्यक्त गर्नु भएको छ । नेपाल कम्यूनिष्ट पार्टी समाजबादीका पोलिटब्यूरो सदस्य समेत रहनु भएका मन्त्री राईले उक्त कुरा सनिबार खोटाङको दिक्तेलमा एक कार्यक्रममा बताउनु भएको हो ।
एक नम्बर प्रदेश सामाजिक बिकासमन्त्री राईले मन्त्रीमा नियुक्ती भएपछि पहिलो पटक गृह जिल्ला आउनु हुदा नेकपा समाजबादी जिल्ला समितिद्धारा आयोजित पत्रकार भेटघाट कार्यक्रममा नेकपा एमालेलाई संज्ञा दिदै यथास्थितिबादी देशका ठूला पार्टीहरु यथास्थितिबाद र गणतन्त्र बिरोधी भएको आरोप लगाउनु भयो ।
मन्त्री राईले अहिलेको गठन्धन भत्काउनको लागि देशी बिदेशी शक्तिहरु लागि परेकोले मिलियन च्यालेन्ज कर्पोरेशन (एमसिसि) जस्ताको तस्तै पास गर्न नहुने र बरु जति बेला पनि यो गठबन्धन सरकार छोड्न सकिने प्रष्ट पार्नु भयो । सकभर गठबन्धन जोगाउने तीर लागिन्छ तर एमसिसि यथास्थितिमा पारित गर्ने सहमत नभएको मन्त्री राईको धारण थियो ।
मन्त्री राईले प्रदेशको नमाकरण सम्बन्धि बिचार राख्नुहुदै भन्नु भयो नामकरण सम्बन्धि सम्बैधानिक जटिलता रहेको र गठबन्धन भित्र पनि एक मत नभएको कारण पनि अहिले सम्म नामाकरण हुन नससेको बताउनु भयो । तर मन्त्री राईले आप्mनो ब्यक्तिगत धराणालाई अघि सार्नुहुदै एक नम्बर प्रदेशको नाम पहिचान र भुगोलको आधारमा राखिनु पर्ने प्रष्ट्याउनु भयो । २०७८ माघ २० गते ।
Category: राष्ट्रिय
-
यथास्थितिबादीहरुको बिरुद्ध यो सरकारः मन्त्री राई
-
वाम लोकतान्त्रिक गठबन्धनको पक्षमा जसपा ः राई
खोटाङ, असोज १४– जनता समाजवादी पार्टीका केन्द्रिय सदस्य एबं किरात राष्ट्रिय समितिका अध्यक्ष रमेश राईले समाजवाद प्राप्तीका लागि आफ्नो पार्टी वाम लोकतान्त्रिक गठबन्धनको पक्षमा रहेको बताएका छन् । जनता समाजवादी पार्टीले बिहिबार दिक्तेस्थित पार्टी कार्यालयमा आयोजना गरेको पत्रकार सम्मेलनमा केन्द्रिय सदस्य एबं किरात राष्ट्रिय समितिका अध्यक्ष राईले पछिल्लो समय अधिकांश दलले समाजवादलाई अवलम्बन गरिरहेको उल्लेख गर्दै जसपा वाम लोकतान्त्रिक गठबन्धनको आधारमा अघि बढ्ने बताएका हुन् । ‘समाजवाद प्राप्तीका लागि वाम लोकतान्त्रिक गठबन्धनको आधारमा अघि बढ्ने चेष्टा गरिरहेका छौँ । तर, यो हाम्रो चाहनाले मात्र पुरा हुने कुरा होईन । अन्य पार्टीको चाहना र आवश्यकता के हो ? कस्तो नीति र व्यवहार अवलम्बन गर्छन्, त्यही हिसावले हामी अघि बढ्नु पर्ने हुन्छ,’ राईले भने, ‘सम्भवतः राष्ट्रव्यापी रुपमा ध्रुवीकरण सुरु भएको छ । केही पुरानो पार्टीले आफुलाई एक्लै अघि बढाउन कोसिस गर्लान् वा उनीहरुको पक्षमा गएर गठबन्धन गर्न अरु पार्टी तयार नहोलान् । त्यस्तो बेलामा अहिले रहेको वाम लोकतान्त्रिक गठबन्धन नै अघि बढ्ने देखिन्छ ।’
केन्द्रिय सदस्य एबं किरात राष्ट्रिय समितिका अध्यक्ष राईले वाम लोकतान्त्रिक ध्रुवीकरणका लागि अनौपचारिक रुपमा वार्ता, सम्वाद र छलफल अघि बढिरहेको जानकारी दिए । २०७८ असोज १६ गते । (यो समाचार पत्रकार दमन राईको सहयोगमा तयार पारिएको हो)