Category: स्थानीय

किकोस टेम्के सम्बाददाता .
जिल्ला प्रहरी कार्यालय खोटाङले जिल्लमा माघ महिनाको उत्कृष्ट प्रहरीको सम्मान प्रहरी सहायक निरिक्षक गोपि कटुवाललाई दिएको छ । दिक्तेल रुपाकोट मझुवागढी नगर पालिका २ रत्नपार्क विटमा इन्चार्जकारुपमा कार्ययत कटुवाललाई जिल्ला प्रहरी कार्यालय खोटाङका प्रहरी नायव उपरिक्षक उमेश लम्सालले कदरपत्रसहित सम्मान गर्नु भएको छ ।
जिल्ला प्रहरी कार्यालयमा सम्मान पत्र प्रदान गर्दै आगामी दिनमा समेत उत्कृष्ट सेवा प्रदान गर्न कटुवाललाई हौसला मिलोस भन्ने शुभकामना सहित कदरपत्र प्रदान गरिएको प्रनाउ लम्सालले बताउनु भयो । कदर पत्रमा समाजमा हुने विभिन्न किसिमका अपराधिक गतिविधीहरु नियन्त्रणमा विभिन्न सरोकारवाला सरकारी गैर सरकारी कार्यालयहरुसँग आवश्यक समन्वय गरेर अपराध न्युनिकरण गर्न सफल भएको तथा विभिन्न घटनाहरुको घटना स्थलबाट सकुशल हातहतियार सहित अपराधी नियन्त्रण गर्न सफल नेतृत्व गरेको उल्लेख छ ।
यसका साथै प्रहरी संगठनको निति र निर्देशन पालना गर्ने र मातहतका प्रहरी परिचालनमा समेत कुशल नेतृत्व प्रदान गर्न सफल देखिएकाले माघ महिनाको उत्कृष्ट प्रहरी घोषणा गरि कदरपत्र प्रदान गरिएको जिल्ला प्रहरी कार्यालयले जनाएको छ । (फागुन १३ गते सुक्रबार)

टेम्के सम्दाबदाता । खोटाङमा उद्यमशिल महिलाहरुको अचार बनाउने तालिम एक समारोहका बिच सोमबार समापन भएको छ । आठ दिने अर्गानिक अचार बनाउने तालिममा प्रशिक्षर्थीहरुले प्रशिक्षणकोक्रममा तयार पारिएको बिभिन्न प्रकारका अर्गानिक अचार कार्यक्रममा सजाईएको थियो ।
कार्यक्रमको प्रमूख अथिती दिक्तेल रुपाकोट मझुवागढी नगरपालिकाका प्रमूख दिपनारायण रिजाल हुनुहुन्थ्यो त्यसैगरि समापन कार्यक्रको कार्यक्रम अध्यक्ष महिला उद्यमी संघ खोटाङकी अध्यक्ष बिमला राईले गर्नुभएको थियो । तालिमकी प्रशिक्षक कमला बास्कोटा रिजालले हुनुहुन्थ्यो भने समापन कार्यक्रममा महिला सहभागीहरुले उद्यमलाई निरन्तरता दिने प्रतिबद्दता समेत गरेका थिए । तालिममा जिल्लाका बिभिन्न स्थानका ४० जना महिला उद्यमीहरुको सहभागीता रहेको संघकी अध्यक्ष बिमला राईले बताउनु भयो । (२०७८ फागुन १० गते)