अरिङ्गालको टोकाईबाट एककाे मृत्यु दुइ घाईते

जुनु परियार
अरिङ्गालको टोकाईबाट खोटाङमा एक युवाको ज्यान गएको छ । खोटाङको दिक्तेल रुपाकोट मझुवागढी नगरपालिका वडा नं. ३ बाम्राङ मावलीघर बस्दै आएका बिनोद परियारको सुक्रबार बिहान अरिङ्गालको टोकाईबाट ज्यान गएको हो ।
शारिरिकरुपमा अशक्त भएका परियारको घर ओखलढुङ्गा भए पनि मावली घरमै जन्मिएर हुर्किएका थिए । बिहानको करिव साँढे आठ बजे छिमेकीको घर तर्फ जादै गर्दा हब्दमा खोला छेउमा एक्कासी अरिङ्गालले टोके पछि चिच्याएर गुहार समेत मागेको प्रत्यक्षदर्शीहरुले बताए । मृतकले गुहार मागे पछि छिमेकी शर्मिला हिङ्माङ र मृतककै बाजे नैव सिं दर्जीले गुहार गर्दा उनिहरु दुबैलाई पनि अरिङ्गालले टोकेर हाल उपचारको लागि जिल्ला अस्पतालमा उपचारको लागि पठाईएको छिमेकीहरुले बताए ।
हाल मृतक परियारको सदगत गरिसकिएको आफन्तहरुले बताए । २०७९ असोज २८ गते ।