एकसाता देखि राहादानी सेवा अबरुद्धः सेवाग्राही मारमा

जुनु परियार÷टेम्के
खोटाङ । एकसाता देखि खोटाङबाट जारी हुने राहदानी सेवा अबरुद्ध हुदा सेवाग्राहीहरु मारमा परेका छन् ।
गृह मन्त्रालयले ईन्टरनेट सेवा वर्ललिङ्क संग गरेको र हाल वर्ललिङ्कको ईन्टरनेट अबरुद्ध हुदा सेवाग्राहीहरु मारमा परेका हुन् । अहिले राहदानी वनाउनका लागि खोटाङको सदमुकाम दिक्तेलमा देनिक जसो ५० जनाको हाराहारीमा सेवाग्राहीहरु आउने गरेका छन् तर राहदानी सेवा अबरुद्ध भएको कारण सेवाग्राही मारमा परिरहेका छन् ।
जिल्ला सदरमुकाम दिक्तेलमा जिल्लाको बराहापोखरी, जन्तेढुङ्गा, ऐसेलुखर्क, केपिलासगढी लगायतका दुर्गम गाउँपालिकाहरुबाट आएका सेवाग्राहीहरु अहिले एकसाता देखि सदरमुकाम दिक्तेलको महङ्गो होटेलहरुमा बस्न बाध्य भएका छन् ।
यस बिषयमा प्रमुख जिल्ला अधिकारी सूर्यप्रसाद सेढाईले गृह मन्त्रालय र पराराष्ट्रमन्त्रालयमा आपूmले बारम्बार कुरा राखिरहेको भएता पनि समस्या समाधान हुन नसकेको जानकारी दिनु भयो । वर्ललिङ्का खोटाङ जिल्ला प्रतिनिधी छत्र पुरीले बुधबार देखि नेट सन्चालनमा आउने बताए पनि बुधबर नेट चलेको छैन । प्रतिनिधी पुरीले उदयपुरको रौतामा रहेको ईन्टरनेटको डिभाईस अज्ञात ब्यक्तिले बाहिर निकालेर पानी परेको समयमा भिजेकोले डिभाईसले काम नगरेको तर काठमान्डौबाट अर्को डिभाईस जडान गरी बुधबार बिहान देखि सञ्चालन हुने बताउनु भएको भएता पनि यो समाचार तयार गर्दा सम्म सञ्चालन हुन सकेको छैन ।
सेवाग्राहीहरु भने एकसाता सम्म दिक्तेल बस्दा प्रति लगभग १० हजार रुपियाँ खर्च भईसकेले यसको क्षतिपुर्ती सिडिओले की वर्ललिङ्क कसले बेहोर्ने भन्दै प्रश्न गर्न थालेका छन् । २०७९ भदाै १ गते ।