Category: समाचार

टेम्के समाचारदाता । नेकपा माओबादी केन्द्र खोटाङ जिल्लाको बिभिन्न स्थानमा मंसिर ४ गते बिबिध कारणले हुन नसकेको वडा अधिबेशन बिहिबार सम्पन्न भएको छ ।
सम्पन्न भएको वडा अधिबेसनमा दिक्तेल रुपाकोट मझुवागढी नगरपालिका वडा नं. १ मा तुलसी आचार्य अध्यक्ष, बीरबहादुर बि. क.उपाध्यक्ष, गुन्जमान मजिमय सचिब, नानिराम रिजाल स—सचिब, राधिका आचार्य कोषध्यक्षमा सर्वसम्मत निर्बाचित हुनु भएको छ ।
त्यस्तै, वडा नं. २ स्वल्मामा सप्तमणी राई, गोकुलमान राई, भुपेन्द्र राई, राजकुमार राई, डिकु शेर्पा, क्रमशः अध्यक्ष, उपाध्यक्ष, सचिब, स—सचिब र कोषध्यक्ष सर्बसहमत चुनिनु भएको छ ।
वडा नं. ३ मा अनिल राई, कमलबहादुर थापा, रोजिना (कार्की) थापा, मनकुमार हिङ्माङ्, मनिषा हिङ्माङ् क्रमशः अध्यक्ष, उपाध्यक्ष, सचिब, स—सचिब, र कोषाध्यक्षमा सर्बसहमत चुनिनु भएको छ ।
त्यसैगरि, रावाबेसी गाउँपालिकको वडा नं. १ कुबिन्डेमा सुमन राई, चन्द्रबहादुर नेपाली रोजन राई, कोपिला राई, दानबहादुर श्रेष्ठ क्रमशः क्रमशः अध्यक्ष, उपाध्यक्ष, सचिब, स—सचिब, र कोषाध्यक्षमा सर्बसहमत चुनिनु भएको छ । सोहि पालिकको वडा नं. ६ हौचुरमा मौहन राई, गंगाराम भुजेल, प्रेमधन राई, सन्जिब राई र बविता बि. क. सर्वसहमत चुनिनु भएको छ ।(२०७८ मंसिर ८ गते)

काठमाडौं । नेपाल पत्रकार महासंघले विभिन्न राजनीतिक दलको विभिन्न तहमा उम्मेदवार र प्रतिनिधि बनेका आफ्ना सदस्यहरुलाई विधानबमोजिम कारवाही हुने जनाएको छ ।
महासंघका महासचिव रोशन पुरीले आइतबार एक विज्ञप्ती जारी गर्दै राजनीतिक दलका विभिन्न समितिमा पत्रकार महासंघका विभिन्न तहका पदाधिकारी तथा सदस्यसमेत उम्मेदवार बन्नु महासंघको विधान विपरीत रहेको भन्दै ध्यानाकर्षण गरेका हुन् ।
पत्रकारहरु विभिन्न दलको उम्मेदवार बनेको विषयमा प्राप्त आलोचना र टिकाटिप्पणीप्रति ध्यानाकर्षण भएको जनाउँदै विधान उल्लघंन भएमा कारवाही हुनेतर्फ सचेत गराएको छ ।
‘राजनीतिक दल वा भ्रातृ संगठनको कुनैपनि तहको विभाग वा समितिमा रही काम गरेमा संगठन समितिको सिफारिसमा केन्द्रीय समितिले स्पष्टीकरण सोध्ने, निलम्बन गर्ने र सदस्यता खारेज गर्ने निर्णयसमेत गर्नसक्ने तर्फ ध्यान दिन महासंघ आग्रह गर्दछ’ विज्ञप्तीमा भनिएको छ ।
राजनीतिक दलको कार्यकारी पदमा बसेर स्वतन्त्र तथा सन्तुलित पत्रकारिता नहुने कुरा पत्रकारिताको विश्वव्यापी मान्यताभित्र पर्ने महासंघले स्मरण गराएको छ । महासंघले केन्द्रीय समिति, प्रदेश समिति वा शाखा समितिका पदाधिकारी तथा सदस्यले सो पदमा बहाल रहेको अवस्थामा कुनै राजनीतिक दल वा भ्रातृ संगठनको कुनैपनि तहको विभाग वा समितिमा रही काम गरिरहेको अवस्थामा उच्च नैतिकता प्रस्तुत गर्न आग्रह समेत गरेको छ ।
विज्ञप्तीमा महासंघको विधान, कार्ययोजना र पत्रकार आचारसंहिताविपरीत काम गर्नेलाई कारवाही गर्न महासंघ प्रतिवद्ध रहेको समेत उल्लेख छ ।(२०७८ मंसिर ५ गते)
यो समाचार नेपाल प्रेस डटकमबाट साभार गरिएको हो

ईलाका प्रहरी कार्यालय हलेसीले २०७८ कातिक १५ गते एउटा अभियान चलायो । ईलाका प्रहरी कार्यालय हलेसीले नगरपालिकाको केहि स्थानहरुबाट स्थानीयहरुको घरबाटै जाँड, रक्सि बरामत गरि नष्ट गर्ने अभियान सायद सम्पुर्ण राई समुदायको लागि असह्य भएर नै होला सामाजिक सञ्जालमा ब्यपक बनेर सामाजिक सञ्जालहरुमा अभियान सकिन साथ नकारात्मक भनाईहरु छ्यापछ्याप्ती भायो । यी भनाईहरुलाईलाई यहा जस्ताको तस्तै राखिएको छ । प्रहरी प्रशासनले त हाईकमान्डको आदेश मानेहोलान् तर सोहि नगरपालिकाका एक निर्वाचित वडा अध्यक्ष समेत बोतल, घ्याम्पाबाट जाँड रक्सि जफत गर्नमा सहभागी भएकाले पनि यो बिषय अलि पेचिलो बन्न गएको महसुस गरियो ।
मैले मेरो फेसबुक आईडिमा आबद्द मित्रहरुले सार्वजानिक गरेका भनाईहरु यहा उल्लेख गरेको छु ।
१) यूवा नेता रविन खम्बु “अब खोटाङमा कोदोको रक्सी (आराखा) को गुणस्तरमा लागौ बहुराष्ट्रिक्ष् कम्पनीको उत्पादनले गाउको पैसा सबै लगिसक्यो । यसलाई सबै राक्न सकिदैन तर हामी सबै लाग्ने हो भने क गर्न सकिन्छ । कम्सेकम खोटाङ बाहिर जिल्लाको मान्छे आउदा खोटाङविशेष कोदोको रक्सी खानै पर्छ भन्ने मान्यता स्थापित गरौ । हामीमा पनि बैमानी छ । कोदोको भनेर चामलको रक्सी बेच्ने गर्छौ । खानेले पनि कोदोको रक्सी खोज्छौ । १०० रुपियाँ पनि १ बोतलको महंगो भयो भन्छौ । । हामीमा पनि तालमेल हुन आवश्क छ । अहिले कोदो नै महँगो छ । १ सय रुपियाँमा कोदोको रक्सी बनाएर बेच्न सक्दैन । हामी बहुराष्ट्रिय कमपनीको रक्सीलाइै बोतलको १ हजार रुपियाँ तिर्न तयार हुन्छौ भने कोदोको रक्सीलाइै बोतलको २ देखि २ सय ५० सम्म तिर्न कन्जुस्याई तर्नु हुदैन । अब याजनाबद्द भएर कोदोको रक्सी गुणस्तरमा लागौ । कसैले हस्तक्षेप गरे सामूहिक प्रतिकार गरौ । कोदोको रक्सी बनाउन पाउने कानुन बनाउन दवाव दिन सबै क्षेत्रबाट लागौ । अब खोटाङमा हाम्रो अगुवाईमा गणस्तरीय कोदोको रक्सी बनायनृ काममा लाग्ने छौ” ।
२) शिक्षक तथा समाजसेवी हेम नाछिरिङले भने वडाध्यक्ष चईन्द्र राईलाई लक्षित गर्नुहुदै भन्नु भयो “तपाई गज्जवले फस्नुभयो अध्यक्षज्यू, तपाईको यो हाँसो गलत ठाउँमा भयो । जुन कानुन गलत छ त्यसलाई लागु गर्नु त गलत नै हो । जसले यो कार्य गराउन प्रोत्सोहान ग¥यो उ यतिबेला गज्जबले हास्दै होला” ।
३) महिला अभियानकर्मी हरी तिलुङनी “होइनौ यो जाँड रक्सी बरामतगरेको पोष्टले त तहल्कै मच्यायो । हेरेर पढेर बस्दै दिन बित्यो । ब्याण्ड होईन ब्राण्डेड बनाउनु पर्छ, यो आम गरिव महिला तथा परिवारको बाध्यता हो, किराती संस्कारहो । हो सबैले हो ÷होस भन्नेनै हो । तर के हो, के हो भन्ने लहैलहैमा सबैले भेडा बन्ने ? नकारात्मक टिप्पणी मात्रै गर्ने ? के सहि हो त ? बहस गर्ने बुद्दी कसैको नआउने ? यसलाई ब्राण्डेड बनाउने पनि प्रकृया होला त्यता ध्यान कसैको नजाने ? जनप्रतिनिधी जो कोहि, जनुसुकै आस्थाका होउन् ती अस्थायी हुन् हाम्रा बिचार र जनमुखी सोंच स्थायी बनाऔ” ।
४) किसान चन्द्र राई “ब्यण्ड होईन ब्राण्ड बनाऔ बहस भईरहेको बेला यो आजको कृयाकलाप कति सहि ? यसबारे जिम्मेवार नीकायले गम्भिर भएर सोचोस ।
५) साहित्यकार श्रीराम राई “म जाँड रक्सी खादिन तर जाँड रक्सी भन्ने बितिकै म मेरो प्यारो गाउँधर, आमाबाबा र आफन्तहरु सम्झिन्छु । घर , मावलो र ससुराली सम्झन्छु । यहाँ हामी जन्मिनु अघि थेप्रै अबिभाबकको छत्रछाँयामा हुर्कियौ । न्वारान, छेवर र बिहे हुदै निरन्तर जीवन यात्रमा छौ जुन धरातल टेकेर हामी आयौ त्यही धरातल हामीलाइै रमाइैलो लाग्छ । हामीले पाएको सिडिओ, एलडिओ मात्रै होईन सिंगो जीवन नै अस्थायी छ । त्यहि पाएको पद र सम्मानको उपयोग गर्दै अगाडी बढ्न हामी सबैका लागि भलो हुने ।
एकजना पात्रले नयाँ ठिमीको एउटा डिस्टिलरी पसलमा यसको मूल्य कति भन्दै सोधेछ । पसलेले सहजै जवापष्m दिएछ, यो ठाँउबाट आएको यसको क्याँस २७ हजार पर्छ । उता उसकै गाउँ चाडपर्वको मुखैमा बनाएको जाँडरक्सी पाईदै थियो । सयौ मनहरु रुदै थिए । फेसबुकभरी असन्तुष्टि गुणासो र विरोध हुदै थियो । महासय गरिवले चाहि बाँच्नु पर्दैन याहाँ ? देशको मूख्य ठाँउमा खुलेआम पेयपदार्थ बेच्दा किन सधैभरि गाउँमा थरहरी ?

प्रदेश १ को मुख्यमन्त्रीमा राजेन्द्र राई नियुक्त हुनुभएको छ ।

सोमबार निबर्तमान मुख्यमन्त्री भिम आचार्यले पदबाट राजिनामा दिएपछि मंगलबार प्रदेश प्रमुख सोमनाथ अधिकारी प्यासीले संविधानको धाारा १६८ ९२० अनुसार मुख्यमन्त्रीमा राईलाई नियुक्त गर्नुभएको हो ।
प्रदेश प्रमुख प्यासीले अर्को सरकारका लागि मंगलबार दिउँसो १ बजेसम्म दावी पेश गर्न आह्वान गर्नुभए बमोजिम नेकपा समाजबादी पार्टी संसदीय दलका नेता राजेन्द्र राईले मुख्यमन्त्रीमा बहुमत सहित दावी गर्नु भएको थियो ।
नबनियुक्त मन्त्री राईले नेपाली कांग्रेस, नेकपा माओवादी केन्द्र, जनता समाजवादी पार्टीका गरी ४९ सांसदको हस्ताक्षरसहित बहुमतको मुख्यमन्त्रीका लागि दावी पेश गर्नुभएको थियो । आचार्य गत भदौ महिनामा नेकपा एमालेको तर्फबाट प्रदेश १ को मुख्य मन्त्रीमा नियुक्ती हुनु भएको थियो । (२०७८ कातिक १६ गते)

टेम्के सम्बाददाता । दिक्तेल रुपाकोट मझुवागढी नगरपालिकाको वडा नं. ३ बाम्राङले सोमबार शुभकामना आदनप्रदान तथा झन्डा पूजा गरेको छ ।
बडा दशै २०७८ सालको पावन अबसर पारेर वडा कार्यालयले सो कार्यक्रमको आयोजना गरेको हो । आयोजित कार्यक्रममा नगरपालिकाका प्रमूख दिपनारायण रिजाल र उपप्रमुख बीनादेबी राईले नेपालको राष्ट्रिय झन्डाको पूजा गरि वडा कार्यालय परिसरमा रहेको नयाँ झन्डा परिबर्तन गर्नुभएको थियो ।
सोहि अबसरमा नगरपालिकाद्धारा खरिद गरिएको नौमती बाजा नगरप्रमुख रिजाल, उपमेयर राई र वडाध्यक्ष ललितकुमार राईले संयुक्तरुपमा समुहका अध्यक्ष मनकुमार हिङमाङलाई प्रदान गरेका थिए । शुभ कार्यहरुमा बजाईने नौमति बाजाहरु लोप हुने अबस्था भएको कारण नौमती बाजा प्रबर्धनकै लागि पनि पालिकाले हस्तान्तरण गरेको वडाध्यक्ष राईले बताउनु भयो । (२०७८ असोज २५ गते)

टेम्के खबर सम्बाददाता । जेष्ठ नागरिक संघ खोटाङले ३१ औं जेष्ठ नागरिक दिवस सुक्रबार मनाएको छ । जेष्ठ नागरिककोहरुको दिवसको अबसरमा खोटाङको सदरमुकाम दिक्तेल बजारमा बिभिन्न एक ¥याली प्रदर्शण गरि दिवस मनाएको हो ।
जेष्ठ नागरिकहरुले दिक्तेलको जिल्ला प्रशासन कार्यालयडाँडा देखि त्रिबेणी चोक सम्म ¥याली प्रदर्शन गरेको थिए । सबै उमेरका लागि बिद्युतीय प्रबिधिको समान्ता भन्ने मुल नाराका साथ सहभागीहरुले जेष्ठ नागरिकहरुको माग गरेका थिए । (२०७८ असोज १६ गते)

टेम्के खबर सम्बाददाता । साकेला गाउँपालिकाका तीन अशक्तहरुलाई घरघरमै गई नेपाली नगरिक्ताको प्रममाण पत्र प्रदान गरिएको छ ।
साकेला गाउँपालिका बिभिन्न वडाका तीनजना अशक्तहरुलाई बुधबार घरमै पुगेर सो पालिकाका अध्यक्ष अर्जुनकुमार खड्काको पहलमा उहाँलेनै प्रदान गर्नु भएको हो । शारिरिक अशक्त भई सदरमुकाम जान नसकेका कारण नेपाली नागरिक्ता प्रमाण पत्र पाउनबाट बन्चित भएका सो पालिकाका वडा नं. ४ का २० बर्षिय खनिन दर्जी, वडा नं. ३ खिदिमा बोराकी २५ बर्षिया कृष्णकुमारी खत्री र सोहि वडाकी २५ बर्षिया रामकुमारी राईलाई उहाहरुको घरमै पुगेर अध्यक्ष खड्काले नागरिक्ता प्रदान गर्नुभएको पालिकाका प्रमुख प्रशासकीय अधिकृत रबिन मगरले बताउनु भयो ।
नागरिक्ता पाउने उमेर पुगेर पनि नागरिक्ता प्राप्त गर्नबाट बन्चित उनिहरुले राज्यले प्रदान गर्दै आएको सामाजिक सुरक्षा भक्ता प्राप्त गर्ने बाटो खुलेको सामाजिक शुरक्षा तथा पञ्जिकरण प्रमुख डिएम चामलिङले बताउनु भयो । नागरिक्ता प्रदान जिल्ला प्रशासन कार्यालयका प्रतिनिधी दिनेश आचार्य, पञ्जिकरण प्रमुख डिएम चामलिङ तीन नम्बर वडा अध्यक्ष शिबकला राई लगायत उपस्थित हुनुहन्थ्यो । (असोज १३ गते)